Horas de Compostela: homenaxe da Real Academia Galega a Salvador García-Bodaño (Galician, galego)

Salvador García-Bodaño, poeta, narrador, activista a prol da democracia e da lingua e cultura galegas. Fundador de asociacións tan emblemáticas como O Galo, colaborador do Museo do Pobo Galego, da revista Teima, da Asociación de Escritoras e Escritores en Lingua Galega, entre outras moitas. Sobre todo poeta.

Desde o seu primeiro poemario, Ao pé de cada hora (1967), seguido por Tempo de Compostela (1978), Compostela (1989), Pegadas no alcatrán (1994) a Cantos de Ausencia. Elexías (1959-2002) (2004), a súa palabra traza un itinerario do íntimo. Os seus poemas revelan o interior dos sentimentos e as rutas interiores de Compostela, a cidade para sempre vencellada ao seu nome.

Trece poemas, uns cantados, outros recitados por poetas de distintas xeracións, honran nesta plaquette a escrita de Salvador, o seu compromiso cívico e poético.